2021 сыл муус устар 23-24 күннэригэр саха биллиилээх фольклориһа, олоҥхону чинчийээччи, филологическай билим дуоктара, ССРС НА Сибиирдээҕи салаатын бочуоттаах бэтэрээнэ Николай Васильевич Емельянов төрөөбүтэ 100 сааһыгар аналаах «Ньурба улууһун олоҥхото уонна олоҥхоһуттара: уруккута, билиҥҥитэ уонна кэлэр кэскилэ» диэн Өрөспүүбүлүкэтээҕи научно-практическай кэмпириэнсийэҕэ кыттыыны ыларгытыгар ыҥырабыт.
Кэмпириэнсийэ сүрүн сыалынан урукку уонна билиҥҥи кэмҥэ олоҥхону уонна олоҥхоһуттары түөлбэлэринэн үөрэтии туругун анаарыы, сайдар тосхоллорун торумнааһын буолар.
Кэмириэнсийэ сүрүн хайыхалара:
- Н.В. Емельянов олоҕо, айар үлэтэ, саха фольклорун хомуйууга, бэчээттээһиҥҥэ уонна үөрэтиигэ киллэрбит кылаата;
- Түөлбэ олоҥхолору үөрэтии, тарҕатыы, тилиннэрии үтүө холобурдара;
- Ньурба улууһун олоҥхолорун уонна олоҥхоһуттарын үөрэтии, тарҕатыы, сайыннарыы боппуруостара.
Кыттар сайаапкаларгытын 2021 сыл муус устар 15 күнүгэр диэри «Емельянов НВ» диэн бэлиэтээн otdelolonho@mail.ru электроннай аадырыска ыытаргытын күүтэбит. Эппиэттээхтэр: ф.н.к. Мухоплева Светлана Дмитриевна (89141028257); ф.н.к. Данилова Анна Николаевна (89640769912), Дьокуускай к., Петровскай уул. 1., 414 каб.
Кэмпириэнсийэҕэ кыттар көрүҥ:
– сирэй кыттыы (дакылаат 5-7 мүн.)
– онлайн кыттыы (дакылаат 5-7 мүн.) ;
– кэтэхтэн кыттыы.
Кэмпириэнсийэ чэрчитинэн Ньурба улууһун олоҥхоһуттарын, олоҥхону толорооччуларын, олоҥхону туруорууларын көрөн-истэн, ол тула кэпсэтии буолуоҕа. Бу тэрээһин Ньурба улууһун олоҥхотун норуокка тиэрдиигэ, түөлбэ олоҥхону толоруу маастарыстыбатын үрдэтиигэ, анал үөрэхтээх дьон санааларын истиигэ туһуланар. Манна ученайдар, музыковедтар, фольклорнай коллектив салайааччылара, культуура үлэһиттэрэ кыттыыны ылыахтара.
Үлэ таһаарыылаахтык барарын туһугар олоҥхону толорууну муус устар 19 күнүгэр диэри ыытаргытыгар көрдөһөбүт. Олоҥхону видеоҕа MP4, AVI,MOV форматтарынан устан betta.85@mail.ru электроннай аадырыска ыытаҕыт. Бириэмэтэ хааччаҕа суох. Ким толорбута, салайааччытын аата, нэһилиэгэ ыйыллара ирдэнэр. Манна эппиэттээх Стрекаловская Зоя Андреевна (89679116535), Орджоникидзе уул. 4. Дьокуускай к.
