Алтан Сарын төрөөбүтэ 125 сылыгар анаан Институт олунньу 14-15 кк. «Терминология и терминография в междисциплинарном измерении» диэн Бүтүн Арассыыйатааҕы научнай-практическай кэмпириэнсийэни тэрийэр.
Гавриил Васильевич Баишев-Алтан Сарын айан, үөскэтэн таһаарбыт элбэх тиэрминин билиҥҥи кэмҥэ сурукка-бичиккэ, күннээҕи кэпсэтэр тылбытыгар туһана уонна чинчийэ сылдьабыт, холобур, «айылҕа», «айылгы», «хоһоон», «ырыа-тойук», о.д.а. Алтан Сарын олоҕун уонна тылга үлэтин туһунан Институт саха тылын салаатын үлэһиттэрэ НВК Саха «Олох үөһүгэр» биэриитигэр таҕыстылар.
- Төрөөбүт тылбыт сайдарын хайдах ситиһэбит?
- Саха тылын үөрэтиигэ туох тиийбэтий?
- Тылы харыстыыр уонна сайыннарар ханнык суол-иис баарый?
Ити уонна да атын ыйытыыларга тыл билимин дуоктара Николай Николаевич Ефремов уонна тыл билимин хандьыдаата Федор Николаевич Дьячковский хоруйдаатылар, кэпсэтиигэ кытыннылар.